私伙製作
相信有睇過黃金戰士的朋友都該與小弟一樣有番咁上下年紀(小弟快30了
). 小時候每次在卡通片睇到佢由火機變大成機械人, 自己都會不能自主地跟着手舞足蹈. 現在回想起來也覺好笑(正白痴仔.. ) 其實自己最喜歡的是"雷達", 唔知有冇朋友記得呢?受到黃金戰士薰陶, 變得喜歡儲火機, 以前每去到一個地方, 必會買一個火機 (這3-4年開始停了), 攪到成箱火機係到, 都唔知點算.
講返呢隻手辦 速水仁司design, 造型一流, 最初技師朋友,小龍, 跟我說會做呢隻手辦, 真係不得不佩服其勇氣, 唔好以為成隻金色冇咩難度. 其實為左造到有強烈陰影對比而又不至"瘀", 小龍分別試了5種不同的金添配搭才能達到此效果. 個人認為比手辦件照片更接近卡通片中的感覺. 雖然小龍認為尚有地方可以改進, 附帶一提, 他可是只用了4天便KO此手辦!!!!!!!!
最近本公司除了小弟外, 其他模型技師亦興起一片私伙熱
超神速地完成多款模型. 其水準及速度令小弟汗顏.
可能大家工作量太多, 需要製作一些私伙來平衡一下心理
諷刺的是我們製作模型的, 無論工作及娛樂也是同一地方..哈哈
但偏偏樂在其中. 那種製作模型的passion真的頗難形容.
當中的犧牲也少.
例如: 貼水貼知不覺攪左成晚, 訓都冇得訓.
又例如: 砌模型砌到俾老婆, 女友詐哂型.
再例如: 噴油陣味令家人難受
又一例如: 個個月買模型好似進貢咁, 慘過俾家用.
好話唔好聽, 成日係咁噴油, 吸埋哂D chemical, 命都短幾年!!
但偏偏好似着了魔地被迷住了.
好多人同小弟一樣, 明知係地獄都要闖, 哈哈都係個句: "我不入地獄, 誰入地獄?"
沒有留言:
發佈留言